Glósubók fyrir sjúkrasögu og skoðun

Glósubók fyrir sjúkrasögu og skoðun með plássi fyrir 100 viðtöl og skoðanir. Bókin hentar einstaklega vel fyrir læknanema, kandídata og aðra heilbrigðisstarfsmenn sem eru að stíga sín fyrstu skref í sögutöku og skoðun.

Hver skjólstæðingur hefur eina opnu í bókinni en á opnunni eru reitir fyrir alla hluta ítarlegrar sögutöku og líkamsskoðunar auk þess sem pláss er fyrir rannsóknarniðurstöður. Bókin leiðir heilbrigðisstarfsmanninn þannig í gegnum sögutöku, kerfakönnun og líkamsskoðun og tryggir með tékklistum að ekkert gleymist. Hún nýtist því bæði meðan á viðtali og skoðun stendur en er einnig frábært tól til þess að undirbúa sig undir það að kynna sjúkratilfellið fyrir sérfræðingi eða deildarlækni, þar sem bókin tryggir að allt sé sett upp á skipulegan hátt.

Bókin er bundin saman með gormi svo hún leggst flöt og passar í vasann á flestum læknasloppum og vinnufötum. Riflínur eru á öllum blöðum, svo auðvelt er að rífa notaðar blaðsíður út og farga jafnóðum af persónuverndarástæðum.

Með bókinni fylgir handhægt minnisblað með eðlilegum blóðgildum, lífsmörkum, blóðgösum, ECG, dermatómum, taugareflexum, Glasgow Coma Scale, SOFA score og ýmsum formúlum.

Ath. að bæði bókin og minnisblaðið eru á ensku.