Skip to product information
1 of 1

Bráðaskólinn

Æðaleggjanámskeið

Æðaleggjanámskeið

Regular price 11.900 ISK
Regular price Sale price 11.900 ISK
Sale Sold out
Dagsetning

2 klst. færnibúðir í þessari grunnfærni sem á snertiflöt við starf okkar margra í heilbrigðisgeira. Enda er það svo að ef grunnfærnin er ekki í lagi, þá skiptir restin ekki miklu máli. Námskeiðið hentar hjúkrunarfræðingum, læknum, sjúkraliðum, kandídötum og öðru heilbrigðisstarfsfólki sem vilja rifja upp taktana við æðaleggjauppsetningu, sér í lagi hentugt fyrir þau sem ekki hafa nýtt þessa kunnáttu lengi en langar að halda henni við. Við bjóðum einnig velkomna til okkar nema í heilbrigðisgreinum.

Um er að ræða 2 klukkustunda langt námskeið sem byrjar á fyrirlestri og svo dembum við okkur í verklegar æfingar undir handleiðslu. 

Innifalið er:

  • Fræðileg yfirferð um æðaleggi og æðaleggjaísetningu, góða staði fyrir uppsetningu, hvað ber að varast og helstu aukaverkanir
  • Verklegar æfingar bæði á dúkku og hvert öðru undir persónulegri handleiðslu reyndra kennara.
  • Allt efni fyrir æfingarnar.
  • Kaffi og konfekt.
  • Rafrænt skírteini með staðfestingu á námskeiðsþátttöku (getur t.d. komið sér vel fyrir hjúkrunar- og læknanema þegar sækja á um starf á heilbrigðisvettvangi).

Meðal þess sem við munum fara yfir eru:

  • Anatómía og lega helstu æða
  • Uppsetning æðaleggja skref-fyrir-skref
  • Algeng vandamál við uppsetningu og lausnir við þeim
  • Öryggisatriði, bæði fyrir sjúklinginn og okkur sjálf

Kennarar eru Haukur Smári Hlynsson og Anders Wahlgren, svæfingahjúkrunarfræðingar, og Guðrún Ingibjörg Þorgeirsdóttir, læknir. 

Staðsetning: Bæjarlind 14-16, 2. hæð.

Takmarkað pláss er á námskeiðin til að tryggja að allir fái persónulega kennslu og góða handleiðslu við verklegar æfingar. Við mælum því með að tryggja ykkur pláss sem fyrst.

Kannið styrki hjá stéttarfélögum. 15% afsláttur er fyrir nema í grunnnámi heilbrigðisgreina með afsláttarkóða sem sendur var í pósti á póstlistann - endilega hafið samband á bradaskolinn@bradaskolinn.is ef þið eruð nemar í grunnnámi en vantar kóðann.

Við vekjum athygli á því að þetta námskeið er eingöngu ætlað fagfólki í heilbrigðisþjónustu og nemum í heilbrigðisgreinum.

View full details